之前去左 Andrea Ho Photography 影一歲相
攝影師姐姐同助手姐姐好努力引茯柃笑
一開始影家庭相都正正常常好好笑容
但到cake smash就黎料 扭肚餓+眼訓
(媽媽失策,唔記得餵飽佢奶先）
最後係喊住結束個cake smash
(邪惡爸爸表示早知質佢塊面落蛋糕,橫掂都喊)
襯佢轉下個場景時,即刻餵佢飲奶
助手姐姐好好,叫我地慢慢唔洗急
食飽再影埋泡泡浴場景 玩泡泡玩得好開心
影完大概等左15-20分鐘就有相睇
到揀相個刻 媽媽表示好難揀 望下爸爸話不如要曬佢
爸爸對眼雖然反到落背脊 但都直接拎咭付款
一離開落樓,茯柃已經秒睡 訓左足足3個鐘先醒
影完大概2個鐘就收到相,真心快 靚 正！
Search